– Akkurat no anar eg ikkje kva som skjer vidare, seier Even Hovland til NRK.no.
Han fekk før kampen mot Molde utmerkinga som årets beste forsvarsspelar i eliteserien, og takka for prisen med å kneble spissane frå Romsdal.
- LES OGSÅ:
Veit ingenting om framtida
Sjølv er han mellom dei aller heitaste salsobjekta i Sogndal om dagen, og dei fleste trur midtstopparen snart følgjer etter dei andre spelarane ut portane på Fosshaugane.
Søndag var agent Jim Solbakken på kampen. Saman med Sogndals daglege leiar Egil B. Mundal kunne han konstatere at Hovland framleis er i form.
– Eg veit at det var folk på kampen og såg meg i aksjon. Men utover det veit eg ingenting om kva som skjer framover, seier Hovland til NRK.no.
- LES OGSÅ:
Møtte agenten søndag kveld
Overfor NRK vil Egil B. Mundal ikkje kommentere noko meir i samband med Solbakkens visitt på Fosshaugane.
Agenten har ved fleire tidlegare høve vore involvert i koplinga mellom Hovland og Ole Gunnar Solskjærs seriemeistrar frå Molde. Til no har alle forsøk på å hente midtstopparen til Røkkeløkka blitt avvist.
Ifølgje Firda gjekk Hovland i møte med Solbakken rett etter kampslutt søndag kveld.
(Artikkelen held fram under biletet)
PÅ PLASS: Jim Solbakken var søndag i Sogndal. Der såg han kampen mot Molde saman med Sogndals Egil B. Mundal.
Foto: Rune Fossum / NRKVil vidare til større klubb
Sjølv heldt Hovland korta tett til brystet etter kampen.
– Har du spelt din siste kamp for Sogndal?
– Nei, det kan eg ikkje vere sikker på.
– Kva tenkjer du om den vidare karrieren din?
– Eg har som mål å komme meg vidare til ein større klubb. Så får vi sjå om det blir i vinter eller seinare, seier Hovland.
NRK.no var måndag i kontakt med Jim Solbakken, som ikkje ønskjer å kommentere saka. Solbakken var då framleis i Sogndal.
- LES OGSÅ:
- LES OGSÅ:
