Det vart knytt store forventningar til det
. Under tysdagens oljemøte i Florø, vart både humøret og forventningane dempa fleire hakk.Dei må finne minst dobbelt så mykje gass før ei ilandføring kan bli lønsam.
- Skal det bli aktuelt med ilandføring og eige prosessanlegg, så må vi finne betydeleg mykje meir gass enn vi har funne til no, seier administrerande direktør i Verbundnetz Gas Norge, Tord Pedersen.
Pedersen seier at nye boringar må påvise minst dobbelt så mykje gass før ei ilandføring kan bli lønsam.
Fleire funn
I Bremanger gav funnet på Agat-feltet håp om både nye arbeidsplassar og investeringar i kommunen. I tillegg har Statoil avdekka både olje og gass
. Både Statoil og VNG vurderer ilandføring til Smørhamn.- På grunn av funnet vi har gjort, saman med dei to eksisterande funna der ute, er vi i ferd med å evaluere den totale storleiken for å finne ut om det er grunnlag for utbygging, fortel Pedersen.
(ARTIKKELEN HELD FRAM UNDER TV-INNSLAGET)
Ventar i spenning
Det er til denne tid påvist mellom tre og åtte millionar kubikkmeter gass på Agat-feltet. Pedersen fortalde forsamlinga at det vil ta minst to år før VNG tek ei avgjerd om ilandføring. Framover blir det leita etter meir gass i området. Dagleg leiar i Sunnfjord 2020, Øyvind Bang Olsen, er usikker på om det no kan bli ilandføring av gass i fjordfylket.
- Eg trur vi må kome attende til den type vurdering når dei har fått leita meir og har kome med meir informasjon, seier han.
Bremanger kommune, næringslivet i Flora, ordføraren i Fjaler og Lutelandet Utvikling deltok på møtet som vart leia av fylkesordførar Nils R. Sandal.