Les og diskuter:
Les og:
- Det er bjørn. Det er det ikkje tvil om. Sauen er beten rundt nasen og så er han heilt oppreven i brystet og bakover. Han er til og med eten litt på.
Talet aukar
Talet på sauer som er sakna eller ser ut til å vere skadde eller drepne av bjørn aukar. Og bjørnen har truleg også utvida slagområdet sitt. For etter funnet av drepne sauer på Viksdalen i Gaular vart ein svært skadd og forkomen sau funnen seint i går langt nede i lia på Røyrvikfjellet i Førde, eit stykke frå riksveg 5.
- Eg har leitt etter søya i tre dagar for eg fann lamma fredag åleine, så då forsto eg at det var noko i gale.
- Kva gjorde du med sauen?
- Han levde jo, men han var så oppriven at det ikkje var håp. Eg tilkalla dyrlege som fekk han avliva.
- Kan skadene stamme frå noko anna?
- Det får no han avgjere han frå Statens Naturoppsyn som skal sjå på han, men eg og dyrlegen er no ikkje i tvil om at det var bjørn, seier Lars Holsen.
Ikkje langt frå Viksdalen
Holsen seier området han fann sauen i ligg berre tre-fire kilometer frå området i Viksdalen der det er dokumentert sauedrap. Likevel er han overraska.
- Eg hadde ikkje trudd han skulle vandre så langt ned, seier Holsen.