– Om anbodsreglane er brotne, er det uheldig. Sogndal kommune er ein offentleg instans som skal følgja regelverket, seier Karin Vikane, gruppeleiar i Sogndal Høgre.
Vikane har to gonger, i kommunestyret og formannskapet, teke opp saka med rådmannen i Sogndal, men er misnøgd med svaret ho har fått.
- Les også:
– Svekkjer omdømet
Kontrakten for å brøyta og halda ved like vegane i Fjærland gjekk ut ved nyttår. Det gjorde òg høvet til å forlengja kontrakten ein kortare periode utan å måtta henta inn nye anbod.
Men Sogndal kommune fekk ikkje lyst ut brøytinga og vegvedlikehaldet i tide. I staden skreiv kommunen ein korttidsavtale med den same entreprenøren som hadde kontrakten fram til nyttår.
Dette er uheldig for dei andre firmaa som kjempar om dei same kontraktane, meiner Vikane:
– Blant dei har kanskje ikkje Sogndal kommune fått det beste renommeet. Og for meg er det viktig at kommunen har eit ryddig omdøme.
- Les også:
– Innanfor regelverket
Å brøyta og halda ved like vegane i Fjærland kostar om lag 800.000 kroner i året. For å sleppa å henta inn anbod på ei slik innkjøpt teneste, må den årlege kostnaden vera under 500.000 kroner. S
ogndal har difor gått inn i ein avtale på fire månader, slik at summen kjem under ein halv million kroner. Det er innanfor regelverket, meiner rådmann Jostein Aanestad:
– Her har me kome litt bakpå og har då lagt vekt på å faktisk ha vedlikehald på vegane i Fjærland i 2015 og har gjort ein avtale om det.
- Les også:
Ikkje automatikk
Det er Klagenemnda for offentlege anskaffelser (KOFA) som handsamar eventuelle klager om brot på regelverket for offentlege innkjøp.
Direktør Erlend Pedersen kan ikkje kommentera den konkrete saka i Sogndal, men seier på generelt grunnlag at det ikkje er automatikk i at innkjøp under 500.000 er lovleg utan utlysing.
Dersom snøbrøyting og vegvedlikehald kan sjåast på som eit regelmessig innkjøp i ein kommunen, er det summen for heile året, og ikkje for fire månader, som skal leggjast til grunn for utlysing eller ikkje.