Normal

Zorrovuođđudus lea dál doaimmas

619 boazodoalli leat mannan oktii ráhkadit sierra vuođđudusa dainna áigumušain ahte vuolggahit ášši stáhta vuostá.

Zorrovuođđudus - Zorrostiftelsen

Dáinna sárgojuvvon govain čájeha Zorrovuođđudus maid sii áiggošedje.

Foto: Zorrostiftelsen

Maŋŋá go stáhta diibmá gáibidii geahpedi boazologu Oarje-Finnmárkkus, de háliidedje máŋga boazoeaiggáda ásahit vuođđudusa mii sáhtášii vuodjit diggeášši stáhta vuostá.

Anja Jonassen

Advokáhtta Anja Jonassen.

Foto: Liv Inger Somby / NRK

– Dál lea Zorrovuođđudus doaimmas ja leat čohkkemin ruđa vuolggahit ášši stáhta vuostá, duođašta stivrrajođiheaddji ja advokáhta Anja Jonassen.

Vuođđudus galggašii addit nuvttá riekteveahkki olbmuide geat ieža eai suitte máksit goluid.

Vuođđudus čujuhuha cealkámuššii mii lea NOU 2007:13 čuoggás 13.14:

«Váilevaš vejolašvuohta máksit áššegoluid lea eanemus čalbmáičuohci eastta eamiálbmogiid vejolašvuhtii ovddidit gáibádusaideaset»