Son gártá rahčat...
...dáinna albmáin.
Leatgo dát geađggážat dehálabbot go...
...dát biergo- ja njuovččabihtát?

Geađgi ja boazu

Ruvkedoaibma dahje boazdoallu?

Les på norsk.

Boazodoalu ja ruvkedoaimma gižžu váikkuha 8-jahkásačča Piete boahtteáigái. Beasságo son eallit bohccuiguin seammaláhkai go su áhčči?

Sáltoduoddaris leat 3500 bohcco. Nu goittot lea bajimuš mearriduvvon boazolohku. Muhto guohtuneatnamat leat garžon iešguđetlágan huksemiid ja sisabahkkemiid geažil.

Ja ođđa doaimmat sáhttet leat boađi boađi.

Dán vieltái - Kvitberget dárogillii - áiggošii minerálafitnodat SMA Nordland AS ásahit báktebolttohaga.

Dás gávdno allaárvosaš dolomihtta minerála.

Fitnodat leat 2015 rájes oččodan stáhta addit sidjiide lobi boltugoahtit bávtti.

Muhto earát leat guhká jo geavahan guovllu.

Ođđa doaibma sáhttá sudnuide šaddat roassun.

Per Thomas Kuhmunen (gurut bealde) lea 8-jahkásaš Piete áhčči. Son lea maid Sáltoduoddara orohaga ovdaolmmoš.

Ol-Duommá Utsiin son lea guovllu geahčadeamen.

Dá lea Sálltoduottar-orohat.

Skierrestádenjárga lea dá.

Ja dása sáhttá ruvki boahtit.

Njárga geavahuvvo sihke čakčat, dálvit ja giđđat. Doppe guddet maid álddut.

Eará huksemiid geažil nu mo barttaid, čierastanluohká, de lea dušše dát báiki vel báhcán johtinge bohccuide.

Johtingeinnodagat leat nu dehálaččat boazodollui ahte Norgga lágat suodjalit daid.

Lagas daddjo ahte «Boazodoalu johtingeainnut eai galgga giddejuvvot».

Ja aiddo dán dat Per Thomas ja Sáltoduoddara badjeolbmot vigget sihke huksejeaddji, politihkkáriid ja eiseválddiid oažžut áddet ja dohkkehit.

Ná dat šaddet geađggit go cuvke bávtti.

Jan Normann Nilsen, gii lea SMA Nordland AS stivrraovdaolmmoš, lohká dán dan buhttáseamos dolomihta mii gávdno Norggas.

Danin viggá Nilsen juohke láhkai ákkastallat beassan dihtii boltugoahtit bávtti.

Son ii jáhke ruvkki bissehit bohccuiguin johtimis dákko.

Dá lea Svein Morten Eilertsen.

SMA Nordland AS dat bálkáhii su čađahit váikkuhusguorahallama.

Eilertsen lea dutki ja bargá Norsk institutt for bioøkonomi-ásahusas (Nibio).

Dá lea Eilertsena váikkuhusguorahallan.

Son čállá dán raporttas ahte ruvkedoaimmas leat garra váikkuhusat boazodollui.

Muhto SMA Nordland AS stivrraovdaolmmoš Jan Normann Nilsen ii jáhke dása.

Son baicca jáhkká ahte sin doaibma sáhttá bures eallit ovttas boazodoaluin.

«Sameksistensan» son gohčoda dan.

Guovvamánus dán jagi son sáddii čállosiid sihke Nordlándda gielddaide ja fylkkagildii.

Son čilgii dáid ásahusaide ahte Eilertsen-guorahallan maid dadjá ahte boazodoallu ja ruvkedoaibma sáhttet eallit ovttas.

Jan Normann Nilsen ávžžuhii ásahusaid sáddet cealkámušaid Mineráladirektoráhttii, ja nu váikkuhit ahte fitnodat oččošii rogganlobi.

Mineráladirektoráhtta dat mearrida beasságo fitnodat álggahit doaimma.

Bjørn Larsen lea Nordlándda fylkkagieldda ealáhuspolitihkkár, fylkkaráđđi.

Son guorrasii ollásit SMA Nordland stivrraovdaolbmo ávžžuhussii.

Larsen sáddii breava Mineráladirektoráhttii.

«Det har blitt utarbeidet en ny konsekvensutredning av NIBIO som fastholder at det er mulig for sameksistens mellom mineralindustrien og reindriften.»

Bjørn Larsen, fylkkaráđđi

Larsen čállá ahte lea vejolaš ovttas eallit: Ruvkedoaibma ja boazodoallu.

NRK:i dadjá son ahte fylkkasuohkan dáhttu ovddidit doaimmaid, mat buktet bargosajiid ja ásaiduhttet olbmuid Nordlándii.

Seammás lohká áigut vuhtii váldit sámi vuoigatvuođaid.

Piete illuda vuolgit áhčis mielde gárdde lusa.

Son lea oassin Sálltoduoddara boahtteáiggis.

Boazobarggus nagoda Per Thomas Kuhmunen (40) sollet jurdagiid.

Son lea maŋimuš jagiid čuollan ášši orohaga beale.

«Olbmot oppa áigge jearahit mo dat manná? Boahtá go ruvkedoaibma? Dat lea lossat ja dat čuohcá. Son suhttá ja váivašuvvá.»

Per Thomas Kuhmunen

«Sii sáhttet boahtit dakkár dillái ahte ii šat leat buohkaide sadji orohagas. Danin fertet dáistalit ruvkefitnodagain.»

Per Thomas Kuhmunen

Muhto aiddo fal boahtte buolva, sii geat ain galget bargat bohccuiguin Sálltoduoddaris, addá sutnje návccaid, son muitala.

«Sus cahkkehuvvojit searat. Dán sii gal fertejit gádjut.»

Per Thomas Kuhmunen