NRK Meny

Widerøe unnida girdifálaldagaid

Widerøe unnida beliin girdimátkkiid Evenášši ja Båddådjå gaská, čállá Harstad Tidende-áviisa. Sivvá galgá leat ahte ii leat šat nu olu johtolatdárbu go doivo. Widerøe gulahallandirektevre, Silje Brandvoll lohká ahte doivo ahte oassi johtolagas mat ovdal manne Nárviika bokte sirdojuvvui Evenáššái. - Girdit bealle dievva girdiiguin ii luonddugáhtten. Mii fertet geahččat ođđasiid jus olbmot girdigohtet eanet, lohká Brandvoll. Girdimátkkit heaittihuvvojit juovlamánu 4. beaivvi.