Vuvddii áhčis govaid Sápmái

Dánska dáiddár vuvddii áhčis dáidagiid RiddoDuottarMuseai Oarje-Finnmárkkui. Nu besse dáidagat ruovttoluotta Sápmái, gos govat leat dahkkon fargga 90 jagi dassái.

Jeppe Gits Johansen

Jeppe Gitz Johansen lea ilus og áhcis sámeguovllu govaid lea vuovdán Sápmái. Dál lea vejolaš oaidnit oasi govain čájáhusas RDM-Sámiid Vuorká-Dávviriin Kárášjogas.

Foto: Anne Olli
Anne Olli
Journalist

RiddoDuottar Musea/ RDM, lea oasttán dánskalaš Gitz Johansena dáidagiid, govaid maid son lea ráhkadan go mátkkoštii Sámis 1930-logus.

Dánskalaš dáiddár Gitz Johansen mátkkoštii Sámis olles 23 geardde, ja sárggui ja njuođai govaid das maid oinnii Sámis.

Johansen, guhte elii 1897 rájes 1977 rádjai, mátkoštii maid Ruonáeatnamis, gos maid njuođai olu govaid.

Dánska Gits Johansena govat čájáhusas RDM-Sámiid Vuorkádávviriin Kárášjogas

Dánska Gitz Johansena govat čájáhusas RDM-Sámiid Vuorkádávviriin Kárášjogas

Foto: Anne Olli

Bárdni rabai govvačájáhusa

Dál leat RiddoDuottarMusea dáidamágasiinnas oktiibuot 178 dáidaga maid Gitz Johansen lea ráhkadan. Musea lea gieskat vel oasttán 100 gova dáiddára bártnis, Jeppe Gitz Johansenis.

Gieskat rabai dáiddára bárdni čájáhusa RDM-Sámiid Vuorká-Dávviiriin Kárášjogas.

Čájáhusas lea vejolaš oaidnit 47 dáidaga maid Gitz Johansen lea ráhkadan.

Sámegovain eai beroš Dánmárkkus

Jeppe Gitz Johansen muitala iežas váldán badjelasas rájadit áhčis govaid, maŋŋil go su eadni vel jámi. Dađibahábut ii lean sus gos daid rájada, eaige dánskalaččat beroš oasttit govaid mat gullet sámi kultuvrii.

– Son movttáskii go RiddoDuottar Musea bargi Gry Fors bođii geahččat áhči govaid, ja son fálai de 100 000 ruvnnu 100 gova ovddas, ja nu dat šattai gávpi, lohká. Johansen.

Gits Johansen govat čájáhusas RDM-Sámiid Vuorká-dávviriin Kárášjogas

Gitz Johansen govat čájáhusas RDM-Sámiid Vuorká-dávviriin Kárášjogas

Foto: Anne Olli

Govat Sápmái rádjui

Dál illuda Gitz Johansena bárdni, Jeppe Gitz Johansen, go áhčis govat leat beassan rádjui Sápmái.

Sámis ge leat duhtavačča go govat leat boahtán davás.

– RiddoDuottar Museas sii ge illudit go ná olu govaid leat fitnen rádjui, govat mat muitalit sámi kultuvrras ja inuihttaid kultuvrras, lohká RDMa diehtojuohkki Anita Bjørnback.

Gits Johansen oaččui dán skeaŋkan Lars Pirakas

Gitz Johansen oaččui dán skeaŋkan Lars Pirakas, ja dátge rájaduvvo dás dokko RDM-Sámiid Vuorká-Dávviriin Kárášjogas

Foto: Anne Olli