Lea Ola K. Giæver jr. gii lea vuovdán duhát mihttu eatnama Huang Nubo:i. Olmmái lea geahččalan oastit eatnamiid maid Svalbárddas ja Islánddas. Islándda gal ii leat vuos vuovdán eatnamiid olbmái.
Giæver dadjá NRK:i ahte sus lea jáhkku ahte dát prošeakta boahtá čađahuvvot. Ivgu sátnejođiheaddji, Sølvi Jensenis lea maid doaivva dán prošektii, ja go guoská eará ealáhusaide nugo boazodollui guovllus de bohtet sii ráđđádallat singuin ollašuhttit prošeavtta.
Girječálli Inga Ravna Eira, sámi girječálliid searvvis, lei okta dain gii čuovui seminára.
– Dát mearkkaša hui olu sámi girjjálašvuhtii ja sámi girječálliide, danin go mii leat guhká váillahan girjjiid mánáide erenomážit ja maiddai nuoraide.
Su mielas lea buorre go dákkár seminára dollo, ja muitala ahte sis lea ihttin gis bargobádji mas galget digaštallat mo galget bargat sámi mánáid girjjálašvuođain ovddasguvlui.
Son čilge ahte Sámis eai leat doarvái mánáidgirječállit, ja jus galget eambbo mánáidgirjjit de adnojit eambbo girječállit maiddái mánáid ja nuoraide.
– Jus mis galgá boahtteáiggis gávdnot sámegiella, de fertet mii álgit mánáiguin ja mánáide. Erenomážit dál galggašii dahkkot hui stuorra bargu oažžut olu sámegiel mánáidgirjji.
Son dadjá ahte mánát galggašedje álgit beassat gullat girjjiid dalán go riegádit ja gitta 13-14 jagi rádjái, muhto ahte Sámis eai leat girjjit buot daid ahkásaččaid.
– Min oainnu mielde lea hui dehálaš sámegielat mánáide oažžut dan vásáhusa, girjjit han ovddidit sámegiela ja go mánát gullet iežaset gillii girjji, dain leat máŋggalágan vásáhusa.