NRK Meny
Normal

Viimmat beasai duoddara vásihit

17-jahkásaš joatkkaskuvlla oahppi lei vuosttaš geardde duottarmátkis.

Franz-Erik Lunde

17-jahkásaš Davvi-Romssa joatkkaskuvlla oahppi Franz-Erik Lunde.

Foto: Ingrid Bråstad Nilssen / PRIVAT

Davvi-Romssa joatkkaskuvlla oahppi Franz-Erik Lunde beasai mannan vuossárgga ja maŋŋebárgga vásihit juoga maid ii leat goassige ovdal vásihan.

Ráissas Gáivutnii, 23-km guhkosaš mátki

Skuvla lei plánen 23-km guhkosaš mátki Ráissas Gáivutnii,
mánáid- ja nuoraid-bargofága luohkkálaččaide.

Lunde maid searvvai mátkái vaikko sus eai leat gieđat ja lea lámis čippiid rájes vulos. Olmmái beasai njealjejuvllaga mielde.

Franz-Erik Lunde ja oahpaheddji Ingrid Bråstad Nilsen

Franz-Erik Lunde ja oahpaheddji Ingrid Bråstad Nilsen njealjejuvllagiin.

Foto: Klemet Anders Sara / NRK

Rámida ohppiid

Oahpaheaddji rámida man searat oahppit ledje mátkkis. Franz-Erik mielas lei erenoamáš go beasai viimmat duoddara badjel vánddardit.

Dán jagi ledje badjelaš 300, Davvi-Romssa joatkkaskuvlla oahppit ja bargit oahpomátkis Gáivuonas, ja Riddu Riđđu giettis Olmmáivákkis.

Nu maid mánáid- ja nuoraid bargofága oahppit, muhto sii leat vázzán Ráissas gitta Biertavárrái, sullii 23 km. Buot ohppiin lea juoga lágan lámisvuohta.

Oahppit ja oahpaheaddjit

Mánáid- ja nuoraid bargofága oahppit ja oahpaheaddjit.

Foto: Ingrid Bråstad Nilssen / Privat

Erenoamáš duhtavaš

Ingrid Solvang

Mánáid- ja nuoraidbargofága luohká oahpaheaddji Ingrid Solvang.

Foto: Klemet Anders Sara / NRK-Sápmi

Sin oahpaheaddji, Ingrid Solvang lea erenoamáš duhtavaš luohkáin go nákceje vázzit dán guhkes mátki, ja sis lei čađat buorre mokta, son rámida maid Franz-Erik Lunde gii vulggii fárrui dán mátkái, buot manai bures.

Guldal olles ášši: