Vuosttaš dorvoohcci guhkes áigái

Lea vuosttaš geardde skábmamánu rájes ahte dorvoohcci lea rasttildan riikkarájá Ruoššas Norgii, Mátta-Várjjagis. Nu čállá Ságat-áviisa. Nugo dievva eará dorvoohccit leat ovdal dahkan, de bođii dorvoohcci sihkkeliin. Hui jáhkkimis sáddejit Norgga eiseválddit dorvoohci ruovttuluotta Ruššii, go son dadjo leat ruošša stáhtaássi. Ruošša stáhtaássiin ii leat dorvoriekti Norggas, njuolggadusaid mielde.