Vuostemiella Bissojogas
Suoidnemánu 17. Beaivvi mearridii Bissojoga bivdiid – ja guolásteaddjiid searvi jahkečoahkkimis ahte jogas galgá dušše galbejuvvot kveanagillii. Jahkečoahkkin mearridii dán 31 jienain 10 jiena vuostta.
BJFF miellahttut geat ledje vuostá árvalusa ahte joga miel maiddai galbejuvvo sámegillii eai leat háliidan searvat jearahallamii NRK Sámiin.
BJFF lahttu Egil Utsi lea guhká bargan oažžut galbbaid sihke kveana ja sámegillii, muhto dát bargu ii oro dál lihkostuvvamin. Egil Utsi mielas ii leat dát buorre go bissojohka lea guovddáš sámi guovlu.