Hopp til innhold

Vuoruhit eastadit vaši sámiid vuostá

Ođđa sámediggeráđis šaddá sámevašši sierra áššesuorgin.

Runar Myrnes Balto

ÁŊGIRUŠŠA SÁMEVAŠI-ÁŠŠIIGUIN: Ođđa sámediggeráđđelahttu Runar Myrnes Balto bargá áŋgirit sámevašši áššiiguin.

Foto: Dan Robert Larsen / NRK

– Dál lea nu olu sámevašši ja dat orro lassáneamen sosiála mediain, dadjá ođđa sámediggeráđđelahttu Runar Myrnes Balto.

Norgga Sámiid Riikkasearvi, Ávjovári Johttisápmelaččaid listu ja Guovddášbellodat áigot boahtte njeallje jagi bargat ovttas sámediggeráđis.

Sierra áššesuorgin

Ovttasbargoguoimmit dáhttot sihkkarastit sámiide duohta suodjaleami áitagiid ja nállevealaheami vuostá.

Dat sámevašši mii oidno servodagas lea čielga mearka ahte leat hástalusat sámiid ja majoritehtaálbmoga oktavuođas.

Nytt sametingsråd 2021

OĐĐA SÁMEDIGGERÁĐĐI: Runar Myrnes Balto, Hans Ole Eira, Maja Kristine Jåma ja Silje Karine Muotka.

Foto: Marit Sofie Holmestrand / NRK

Sámevašši šaddáge sierra áššesuorgin sámediggeráđi Beaiveálgu-julggaštusas, maid ikte vuolláičálle go ođđa sámediggeráđđi almmuhuvvui.

– Mii leat lokten dán čájehan dihtii ahte dál áigu Sámediggi bargat ain eanet dáinna áššiin, juohke dásis gos lea vejolaš, muitala ođđa ráđđeláhttu, Runar Myrnes Balto.

Čiehká sámevuođa

Logut čájehit ahte golmmas njealji sápmelaččas vásihit vealaheami.

Boazosápmelaš Jon Nils «Jone» Kappfjell (17) dovdá ahte ferte heivehit iežas earáide, dan sadjái go ahte stuoraservvodat heiveha iežas sutnje.

Jon Nils «Jone» Kappfjell

«BEARKEDEM?»: Jon Nils «Jone» Kappfjell oassálasttii NRKa «Bearkedem?» TV-ráidui.

Foto: Ann Solbritt Logje

Son dadjá iežas olggoštuvvon ja su leat gohčodan «samen» olles bajásšaddama.

Easka 7. luohkkás, go nubbi sápmelaš álggii seamma skuvlii, de álge gohčodit su «Jone».

Váillaha konkrehta bijuid

– Mii leat oaidnán ollu vaši sihke sámiid vuostá ja sámiid gaskkas, nu ahte dat lea buorre go loktejit dán fáttá, dadjá opposišuvdnabellodaga jođiheaddji, Toril Bakken Kåven (Nkf).

Toril Bakken Kåven, Nordkalottfolket

: Toril Bakken Kåven konkrehta bijuid eastadanbárggus.

Foto: Kjell Are Guttorm / NRK

Muhto son váillaha konkrehta doaibmabijuid. Su mielas leat julggaštusa čuoggát menddo jorbas.

– Jus eai leat eanet konkrehta dán julggaštusas, de fertet mii gávdnat doaimmaid maid heive johtuibidjat. Mis leat áššit maiguin áigut bargat, muhto álggos mii gal fertet geargat vuođđudemiin ja beassat johtui bargguiguin.

Sámevašši galgá loktejuvvot sierra áššesuorgin Sámediggeráđis, ja galgá vuoruhit doaimmaid mat eastadit sámevaši ja mat buktet máhtu ja meannudanvuogádagaid.

Beaiveálgu-julggaštus

– Mii vuordit gealdagasas oaidnit maid sii konkrehtalaččat áigot dáhkat unnidit vaši, dadjá Bakken Kåven.

Guorahallagohtet doaimmaid

Muhtin eastadandoaimmat leat jo jođus, ovdamearkka dihtii RomsaDál-prošeakta, masa ovddit sámediggeráđđi juolludii ruđa.

Muhto áššesuorgi ii leat nu álki, go ii leat nu álki mihtidit ahte unno go vašši, čilge Myrnes Balto.

– Mii geahččalit nu bures go sáhttit ohcat mo mii sáhttit sihke eastadit sámevaši ja mo mii sáhttit leat veahkkin sidjiide geat vásihit dan.

– Ja goalmmát oassi, lea go doppe vuogádat mii addá ráŋggáštusa jus geavvá sámevašši.

Netthets mot samer, anonymisert kommentar fra Facebook

VÁIDOJUVVON: Dá lea okta daid čállošiin maid Myrnes Balto lea váidán.

Foto: Skjermdump

Myrnes Balto lea ge ieš geigen guokte váidaga sámevašis politiijaide, go ain lei NSR jođiheaddji.

– Das ii leat dáhpáhuvvan nu ollu. In leat gullan maidege politiijaiguin. Ja die lea buorre ovdamearka, mii fertet sihkkarastit ahte dat eiseválddit geat dieid áššiid galget čuovvulit, dahket dan, dadjá son.

Korte nyheter

  • Bjørkmann (24) på sikker plass for Høyre

    Tidligere Vadsø-ordfører Hans-Jacob Bønå (52) fikk førsteplassen da Finnmark Høyre hadde nominasjonsmøte lørdag. Rett bak følger Hege Bjørkmann (24) fra Alta, som i dag sitter i kommunestyret. Videre følger Mikkel Isak Eira (54), Kautokeino; Raymond Robertsen (48), Nordkapp; Nina Danielsen (59), Sør-Varanger; Ståle Sæther (49), Loppa; Nina Eriksson (34), Porsanger, Preben Koppen Kristensen (23), Sør-Varanger og Anna Taksgård (24), Tana.

    Hege Christin Bjørkmann
    Foto: Tonje Nilsen / Høyre
  • Nuorat dihtet unnimus sámi borramuša birra

    – Mis leat guokte álbmotbeaivvi Norggas. Sámi álbmotbeaivi lea guovvamánu 6. Beaivvi ja ávvuduvvo miehtá riika. Biđus, mii rehkenastojuvvo sámiid álbmotborramuššan lea oassi ávvudeamis ollosiiguin. Biepmu lea fiinna vuolggasadji eará kultuvrraide, ja mii fertet váldit vára girjjatvuođas mii mis lea.

    Dán dadjá Ragnhild Kolvereid, geas lea prošeaktaovddasvástádus bohccobirgui MatPratas, iskosa birra maid YouGov lea čađahan MatPrata ovddas. Norgalaččat leat vástidan gažaldagaid boazodoalu, bohccobierggu ja biđđosa birra.

    Gažaldahkii ahte dihtet go mii sámiid álbmotborramuš lea, vástidedje 40 proseanta nissoniin jo, ja dušše 29 proseanta dievdduin vástidedje dan seamma.

    Leat maid eambbo nissonat geat vástidedje riekta go galge válljet guđemuš borramuš rehkenastojuvvo sámi álbmotborramuššan.

    Vaikko nuoramusat geat serve iskosii eanaš vástidedje ahte dihtet mii álbmotborramuš lea, de lea dát ahkejoavku geat dihtet unnimus dan birra. Ahkejoavkkus 19-29 lea 50 proseanta vástidan biđus, mii lea mealgat vuollelis go reasta álbmogis.

    49 proseanta Gaskka- ja Davvi-Norggas vástidedje ahte dihtet mii álbmotborramuš lea. Ja 82 proseanta dáin vástidedje maid biđus. Goappašat logut leat mealgat badjelis go riikagaskamearri ja čájeha ahte dát riikkaosiin lea eanemus diehtu.

    Mátta-Norgalaččat leat dat geat dihtet unnimus. Sør- ja Østlánddas leat mealgat unnit geat dihtet mii álbmotborramuš lea. Eambbosat Oslos vástidit ahte dihtet mii dat lea, ja vástidit riekta.

    Biđus med brødskiver, reinkjøtt
    Foto: Marit Sofie Holmestrand / NRK
  • Bronse til Sápmis futsaljenter

    Team Sápmis futsaljenter vant i kveld lokal canadisk tid bronsemedalje etter å ha slått Yukon 3-1.

    De blide jentene har spilt lite sammen og er vant til å spille på større bane. Derfor har de til tider slitt med å tilpasse seg futsal, hvor alt går mye fortere enn i vanlig fotball.

    Det holdt likevel til en bronsemedalje i Arktiske vinterleker 2023.

    Victoria Haukebøe ble Sápmis toppscorer med 5 mål. Anna Sokki har 4 mål og Mia Tokle 3.

    På bildet ser vi de samiske jentene sammen med spillere fra Yukon.

    Team Sápmis bronsejenter sammen med spillere fra Yukon
    Foto: Stig Tovås / Team Sápmi AWG 2023