NRK Meny

Vuorjašuhttá raportevra

Norgga, Suoma ja Ruoŧa meannudeamit sámi áššiin vuorjašuhttá ON-erenoamášraportevra Vicky Tauli-Corpuza. Dán vahkku son ovdanbuktá sierra raporta Davvi-riikkaid birra ON olmmošvuoigatvuođa ráđđái. Norgga ráđđehus ii loga vuos kommenteret ášši. Jussa professor Øyvind Ravna dadjá ahte dát lea ánssášuvvon cuiggodeapmin, ja ahte son lea hirpmástuvvan man bures Tauli-Corpuz lea čiekŋudan áššiide.