Vuordámušat olgoriitministarii

Ruoŧabeale badjeolmmoš vuordá čielga vástádusa olgoritministaris mot čoavdit guođohan váttisvuođaid Norgga bealde.

Per-Gustav Labba

Ruoŧabeale badjealmmái Per Gustav Labba.

Ruoŧa Folkepartiet áirras Fredrik Malm bivdá olgoritministara Carl Bildt vástidit čálalaččat mo áiggošii čoavdit Ruoŧa badjolbmuid dili, go Norga ja Ruoŧŧa eai leat vel vuolláičállán oktasaš guođohansoapmamuša.

Ovddit suopmamuš nogai jagis 2005:s. Danne gáibidit ruoŧŧelaččat dál rivttiid dološ Lappecodisilla vuođul, muhto dan eai dohkket ges Norgga bealde. Per Gustav Labbas leat vuordámušat olgoritministarii.

–Vuorddán nana rádjasoahpamuša boahtet fápmui ja ahte dat čuvvojuvvo. Norggas eai dovddas min lágalaš rivtiid ja dát lea hui surgehahtti ja badjelgeahččanvuohta, dadjá Labba.

Lappekodisillen lea dološ (jagis1751) soahpamuš mii guoskká badjeolbmuid guođohan rivtiide ja vuoigatvuođaide Norgga ja Ruoŧa bealde. Dát soahpamuš attii vuoigatvuođa badjeolbmuide sihke Norgga ja Ruoŧa bealde johtalit guođohan eatnamiidda riikárájáid badjel. Gáldu: Wikipedia

Oanehaččat

  • Helga Pedersen bajimusas listtus

    Helga árvaluvvo bellodaga presideantaevttohassan

    Nuortaválgabiire bargiidbellodat lea nomineren deatnulačča Helga Pedersena bellodaga vuosttaševttohassan boahtte jagi Sámidiggeválggaide. Nubbin nominerejuvvui Unjárgalaš Jarl E. Roska, ja goalmmádiin Mariann Wollmann Magga, Mátta-Várjjagis eret. Nuorta válgabiire Bargiidbellodaga nominašuvdnačoahkkin lea maiddái válljen Helga Pedersen iežaset presideantaevttohassan.

  • Hástalus Finnmárkoláhkii

    Jus Finmárkku fylkkamánni árvalus ahte ovttastahttit Alttá ja Návuona suohkaniid, ja nu sirdit Návuona suohkana Finnmárkui ollašuhttojuvvo, de dat buktá hástalusaid Finnmárkolága hárrái. Dan dadjá Finnmárkoopmodaga stivralahttu, Bente Haug, ja čujuha ahte Návuotna odne ii leat oassin Finnmárkolágas Haug dadjá ahte váttisvuohta sáhttá čuožžilit go Návuona dasto šaddá hálddašit eará lágaid vuođul go eará Finnmárkku suohkaniid.

Laster Twitter-innhold

På forsiden av NRK Sápmi nå