NRK Meny
Normal

Vuordámušat Anayai

Ruoŧa sámedikki politihkkalaš jođiheaddji, Ingrid Inga, vuordá ahte ON spesiála raportevra cuiggoda davviriikkaid go eai leat nannen sámiid vuoigatvuođaid.

FNs spesialrapportør James Anaya
Foto: Eilif Aslaksen / NRK

Odne almmuhuvvo Ovttastuvvon Nasjuvnnaid (ON) spesiala ráportevrra rápporta das mo sápmelaččaid dilli lea Norggas, Ruoŧas ja Suomas. Sámedikkit eai leat vel ožžon dan válddi maid davviriikkaid eiseválddit galggašedje addit, lohká Inga.

Ingrid Inga
Foto: Marie Enoksson/Sametinget

- Mus leat vuordamušat ahte dat čilge hui garrasit ahte sámiin lea riekti iešmearrideapmai.

Geahččan sápmelaččaid dili

Videokonferansa bokte Romssa Universitehtas diibmu 14.00 almmuha ON spesial rapotevrra algoalbmogiid olmmošvuoigavuođaid hárrái, professor James Anaya, mo sápmelaččaid dilli lea davvirikain.

Spesial raportevre guorahallá algoalbmogiid dilid ja dán vuoru geahčča sápmelaččaid vuoigatvuođai dili ja mo eiseváldit meannudit sápmelaččaid.

Giđđat deaivvadii Anaya, sámedikki njunnožiiguin gullan dihte mo sii arvvoštallet sámiid dilid. Norgga sámedikkepresidenta Egil Olli, lea oaidnan oasi Anaya rapportas ja lohká dan leat buorre sámide.

Lea duhtaváš

Samiráđđelahttu Olav Mathis Eira, ges lea duhtavaš go ON maid guorahallá

Olav Mathis Eira
Foto: Thoralf Balto / NRK

rikkis riikaid eamialbmot poletihka.

- Soames riikat fertejit maid ovddos mannat ja čajehit dorvvolašvuođa algoalbmogiidda, maid eara algoalbmogat sáhttet geavahit dego beaivválaš poletihkas ja beaivválaš rahčamušain.