Vuolláičálle šiehtadusa
Torghatten Nord AS vuolláičálii ikte šiehtadusa mas lea logi miljárdda ruvnno árvu. Widerøe, mas Torghatten eaiggáduššá oasi galgá hálddašit dan 13 ruvtto mat ledje biddjon haddefálaldahkii, Davvi-Trøndelágas Finnmárkui. – Sin boahttevaš viđa jagi doibmii lea dát šiehtaduš buorre, ja sis leat olu mielbargit geat dál leat ilus. Sii áigot čájehit ahte dán luohttámuša sii gal áigot ollašuhttit, dadjá Widerøe beaivválaš jođiheaddji, Stein Nilsen.