NRK Meny
Normal

Vuolgá dovddusin dahkat iežas

Sara Margrethe Oskal illuda go lea bovdejuvvon girjerádjosii Bærumii dovddusin dahkat iežas ja iežas diktagirjji «savkkuhan sávrri sániid». Dál lea ráhkkaneamen dasa.

Sara Margrethe Oskal
Foto: Torill Olsen

Sara Margrethe Oskal lea máŋggabealát dáiddár, go son lea girječálli, neavttár ja filbmabargi. Dál go son lea nammaduvvon Davviriikkaid Ráđi girjjálašvuođa bálkkašupmái, de lea bovdejuvvon máttás dovddusin dahkat iežas divttaid diktagirjjis "savkkuhan sávrri sániid".

Ráhkkana muitalit alddis ja iežas divttain

Oskal ii jáhke ollugiid máddin diehtit gii son lea, danne go son ii leat ovdal čállán divttaid dárogillii. Jos giige dovddaš su, de dáidá dat lean danne go son lea bargan teáhteris ja maiddái lea filbmabargguid bargan. Danne áigu iežas sáhkavuorus Bærum girjerádjosis muitalit gii son lea, ja maid son lea bargan.

Bovden golbmasa dovddusin dahkat bargguideaset

Seamma doaluin galgá maid Linn Ullmann lohkat iežas girjjis "De urolige", ja Geir Gulliksen ges lohká iežas girjjis "Historie om et ekteskap". Sii leatge buohkat nammaduvvon 2016 Davviriikaid Ráđi girjilašvuođabálkkašupmái. Deaivvadeapmi lea Bærumas čakčamánu 27. beaivvi.