Vujii badjel luotta
Guovttes roasmmohuvaige otne iđđes Ásebávttes olggobealde Kárášjoga, go vujiiga biillain badjel luotta.
110eš heahteveahkeguovddážii bođii lihkohisvuođa diehttu 7 áigge iđđedis, dieđiha Nuorta-Finnmárkku politiijaguovllu operašuvdnajođiheaddji Trond Larsen.
Politiijat dutke guokte badjelaš 50-jahkásaš dievddu lihkohisvuođabáikkis, ovdalgo sáddejuvvuiga Kárášjoga dearvvašvuođaguovddážii.
Váikko biila lea jorran birra de eai bala ahte lea vuodján juhkanvuđas.
Politiijat dutket dál ášši.