NRK Meny

Vudjet táksin Ruoŧa čađa Supmii

Dorvoohccit vudjet dál táksiin Ruoŧa čađa, vai sii ollejit báhtareaddjidustehussii mii lea Davvi-Suomas. Durdnosii bohtet ain báhtareaddjit, ikte registrerejedje 418 ođđa dorvoohcci. Smávvá joavkkut bohtet táksi mielde gitta Stockholmas, ja dát mátki lea sullii 100 miilla, dan dieđiha suoma politiija. Ja odne vurdet suoma politiijat ahte bohtet birrasiid 300 báhtareaddji Durdnosii.