Aajege saemien gïele- jïh maahtoejarnge, Rørosesne, ektiebarkoem Nea Raadijoven ektesne åtna jïh åarjelsaemien saadtegh Nea Raadijovesne seedtedh. Daate akte faaleldahke gusnie åadtjoeh bielie tæjmoem fïerhten våhkan åarjelsaemien saernieh jijtjen voeneraadijovesne govledh jih saernieh nedtebielesne lohkedh.
Eadtjohks gïele barkije
Aino Linnea Danielsen lohketæjja mij daelie journaliste barkone aalka. Dihte tuhtjie daate gieltegs sjædta.
– Manne gellieh jaepieh saemien gïeline barkeme goh lohketæjja, gusnie maanide øøhpetamme. Daate dellie jeatjah barkoe sjædta jih raadijovesne barkedh, Danielsene jeahta.
Duarstan dellie dihte voestes saadtege seedtesovva jih desnie saernieh, magasijne aamhtesh jih saemien musihkem govlede. Danielsen bïevnede maan bijre voestes saadtegisnie guvlieh.
– Dellie govlede saernieh Tjaktjen tjåanghkoste jih Gïeleviermie tjåanghkoste mij lea Snåasesne orreme jih jijnje maanah bijre jih nov sån saernieh daebpielistie aaj, Danielsene bievnede.
Barkoe jih aamhtside gaavnedh.
Ij leah aelhkies saerniej gujmie barkedh.
– Vueptiestamme, ij leah aelhkie jih saernieh gaavnedh. Ij man gellieh munnjan bievnedh. Tjoerem gujht jijtje pryøvedh snoegkedh, Danielsene jeahta.
Magkeres åssalommes daelie åtna gosse saadtegem seedth?
– Daate luste sjædta. Håhkesjem hijven barkoem darjoem jih saadtege hijven sjædta, gåessie daajram jijnjesh edtjieh goltelidh, Danielsene orrije.
Saadtegide maahta Selbuen, Tydalen, Rørosen jïh Håltålen tjïeltine govledh jih maahta needteraadijovesne saadtegidie abpe Nøørjesne govledh.
- Lohkh aaj:
