Romssa universitehta juridihkkaprofeassor Øyvind Ravna lea hirpmástuvvan go Oslo stáhtaadvokáhtat leat mearridan sáhkuhit sámeaktivisttaid geat oassálaste Fovse-ákšuvnnain Oljo- ja energiijadepartemeanttas guovvamánus dán jagi.
– Jus ákšunisttat eai dohkket sáhku, de šaddá diggi. Dát sáhttá šaddat heahpadin Norgii, go dalle soitet boahtit ovdán ođđa bealit olmmošvuoigatvuođarihkkumiin, váruha Ravna.
Politiiját oaivvildedje, ahte ákšunisttat eai galgga sáhkuhuvvot go sii han ledje doarjumin Norgga riektevuogádaga.
– Mi leat dán árvvoštallan eará láhkái, čilge stáhtaadvokáhtta Irlen Irgens.
Bivttashábmejeaddji ja fitnodatdoalli Kajsa Kvernmo lea Romssa sámi viesu ođđa stivrralahttu. Doppe son ovddasta Sámedikki.
Ikte doalai Romssa sámi viessu sierra váldočoagganeami (ekstraordinær generalforsamling), mas molso guokte stivrralahttu ja ovtta várrelahttu. Guokte eará ođđa nama leat Brynjar Andersen Saus ja Kathrine Strandli.
Dá lea ođđa stivra:
Sámi allaskuvllas leat dán giđa 16 fágas oahppofálaldagat, fállojit fágat numo osku- ja eallináddejupmi, boazodoallu, sámegiella, pedagogihkka, duodji ja kultur-ja servodatdiehtu.
– Sámi allaskuvllas leat máŋga miellagiddevaš fága maid sáhtát lohkat dán giđa ja mii sávvat ahte eambbogat ohcet min oahppofálaldagaide, dadjá rektor Liv Inger Somby.
Eanaš oahppofálaldagat mat dál fállojit leat oasseáiggis ja sáhtát lohkat fágaid, dahje leat studeantan maiddái olles áiggis.
Dan čállá Sámi allaskuvla preassadieđáhusas.
