NRK Meny
Normal

Viimmat ízü-TV!!

Dal lea ízü-TV olleme muhtin TV:ii du lahka!

Prográmmajođiheaddji guovttos
Foto: Bengt Roger Kåven / NRK

Geahča ízü-TV máidnosa dáppe , dahje geahča dáppe “Minuvttas: Mii lea Ízü-Tv?” .

Don leat juo geasi miehtá gullan min báibmame radios ahte “Mii leat ráhkadeame TV!” “Åse ii leat studios go mii leat ráhkadeame TV” “ízü-TV oidno fargga”.. Ja dal ráhkis lohkki ja radioguldaleaddji, dal beasat don viimmat geahččat ízü-TV!

Mánnodaga skábmamánu 17. beaivvi dii 21:10 NRK3:žis oidno ízü TV

Mii lea ízü-TV?
ízü-TV lea humorprográmma sámi nuoraide, muhto mii maid galgá sáhttit guoimmuhit dáččaid ja rivguid! Juohke prográmmas oainnát neavttalmašaid(oanehis sketsjaid), miniTV ráiddu Gussalihkku ja somás studioguossit! Leaba Ellen Oddveig ja Åse Kathrin geat leaba prográmmajođiheaddjit ízü-TV:s!

Hástalusat!
Guhka leat mii juo álmmuhan Hástalus videoid dáppe neahtas. Dat “Hástalusat” sirdojit ge maid TV:ii, muhto eará hámis.
Ìzü studios hástaluvvojit studioguossit bargat juoidá maid sii eai dábálaččat bargga. Ovttas Åsiin, galget studioguossit nagodit hástalusa. Jus eai nagot dan, de fertejit muitalit iežaset birra muhtin čiegusvuođa! Jus nagodit hástalusa de muitaluvvo čiegusvuohta nuppi prográmmajođiheaddji, Elle, birra!

Leira-bearaš
Foto: Vanja Ulfsnes / NRK

Gussalihkku!
Gussalihkku lea MiniTV ráidu mii lea inspirerejuvvon NRK dokumentára ráiddus Boazolihkku. Gussalihku ráiddus besset geahččit oahpásnuvvat Leira bearrašiin geat álo leat bargan šibitdoaluin. Doppe besset oaidnit sihke heajos ja buoret beliid das ahte movt lea leat boanda!

Neavttalmašat (sketsjat)
Dáppe ízü’s leat mii ráhkadan neavttalmasaid maid čájehit movt diŋggat sáhttet šaddat go daidda čolgada sámivuođa. Muđui lea mis verdde, Ìzü-verdde sihkkarit reaškkiha du iežas oanehis bihtáiguin!

5 prográmma
Ovdal juovllaid čájehuvvojit vihtta ízü-TV-prográmma. Juohke mánnodaga 17/11 rájes! Muitte, NRK3 kanálas, dii. 21:10!!

ízü-TV filbmejuvvo!
Foto: Bengt Roger Kåven / NRK