Viiddidan ealgabivddu

Vápste suohkan, Nordlánddas, viiddida dán jagáš ealgabivddu loahpageahčai skábmamánnui. Dan čállá Helgelendingen -aviisa. Dábálaččat bistá ealgabivdu loahpageahčai golggotmánnu, muhto go ealgga nálli Vápstes lea nu stuoris, de lea suohkan ožžon lobi viiddidit ealgabivdu ovtta mánu. Mihtu viiddideamis lea goddit nu ollu go vejolaš ealgaearis, ja nu garvit stuora guohtunvahágiid boahtte áiggis.

Korte nyheter

  • Eanetlohku rihkku árbevieru

    Ođđa sámediggeráđđi ja Bargiidbellodat lea soahpan válgateknihkalaš ovttasbarggu, mii dáhkida Bargiidbellodahkii sihke dievasčoahkkinjođiheaddji ja bajásšaddan-, fuolahus- ja oahpahuslávdegotti jođiheaddji. Dáinna rihkku eanetlohku Sámedikki árbevieru, go Nordkalottfolket dat livččii nubbin stuorámus bellodahkan oažžut dievasčoahkkinjođiheaddji. Dál beassá Bb Tom Sottinen joatkit.

    Sametingsrådet og Ap samarbeid
    Foto: John Henrik Guttorm / Ap
  • Galgá leat časkan nuppi

    Okta Sis-Finnmárku dievdu lea áššáskuhtton go galgá leat nuppi olbmo časkán ovtta barttas mannan čavčča. Diggebáhpiriin boahtá ovdan ahte son oaččo 10 000 ruvdnosaš sáhku. Ášši gieđahallo Sis ja Nuorta Finnmárkku diggegottis skábmamánu 15.beaivvi Čáhcesullos.