NRK Meny
Normal

Vihkeles øøhpehtimmie tjåanghkoe

Åarjelsaemien øøhpehtimmie konferaanse 10 jaepieh heevehte.

Guvvieh

Guvvieh

Foto: Ristin Persson / NRK

Daate låhkede aejkien, Nordlaanten Fylhkeålma daam åarjelsaemien øøhpehtimmie konferaansem øørneminie. Daate sjædta Tråantesne, Scandic Nidelven hotellesne goevten 29.b.- njoektjen 2 .b.

Daate vihkeles tjånghkoesijjie gaavnjesjidh, daejtie øøhpetimmie almetjidie mij smaave jih sturebe maanide øøhpehtieh. Nordlaanten Fylhkeålman øøhpehtimmie raeriestæjja, Wiveca Wilhelmsen-Holm bievnede.

– Almetjh bååstide bievneme, tuhtjieh daate vihkeles tjåanghkoesijjieh. Åarjelsaemien dajve stoerre jih dellie daerpies akten aejkien jaepesne tjåanghkanidh jih hijven tjåanghkoe programmem faaledh, guktie stuerebe faage maahtoem åadtjoeh. Wilhelmsen-Holme jeahta.

Wiveca Wilhelmsen-Holm

Nordlaanten Fylhkenålma øøhpetimmie raeriestæjja Wiveca Wilhelmsen-Holm.

Foto: Privat

Nordlaanten fylhkenålman dïedte.

Nordlaanten fylhkenålma dïedtem åtna, åarjel jih juvlev saemien øøhpetimmiem faaledh. Darjomesojkesjem dåeriedidh, guktie åarjel jih juvlev saemien gielem jih kultuvrem nænnoestidh.

Åssjelh daejnie konferaansene lea jih bievnedidh magkeres dåeries moerh jih guktie maehtieh åarjelsaemien øøhpetimmine, maanagïertine,skuvline, jolleskuvle/ universiteetinie barkedh jih raarastalleme guktie åarjelsaemien øøhpetimmiem nænnoestidh jih evtiedidh.

Båetije aejkien barkoe

Daate edtja guvviem vuesiehtidh, magkeres barkoem maanagierth jih skuvlh darjoeh.

– Daelie heevehtimmiejaepie jih øøhpetimmiekonferaansen voestes aamhtese lea: Mij lea dah minngemes luhkie jaepieh heannadamme jih guktie edtjebe båetije biejjien barkedh, Wilhelmsen- Holme, jeahta.

Øhpetimmie almetjidie

Daate konferaanse lea tjïelte jih fylhketjiltijde jih skuvleåajvaladtjide, øøhpetimmiemyndigheth, øøhpetimmiejarngide, maanagïertebarkijde,lohketæjjide, jih jollebe øøhpetimmieinstitusjovnide jih jeatja saemien øøhpetimmiealmetjidie.

Daan tjåanghkose jijnjesh båetieh, jih øøhpetimmie aamhtsi bijre goltelidh jih raarastalledh.

– Mijjieh geerjene! Jïjnjesh båetieh, daan mearan bijjelen stoerre luhkien almetjh edtjieh båetedh, Wilhelmsen Holme jeahta.