NRK Meny
Normal

Vigget geasuhit sámenuoraid stipeanddain Biibbalskuvlii

Sámenuoraide ođđa fálaldat. Ožžot stipeandda Sámemišuvnnas jos čáđahit jagi kristtalašvuođaoahppu Fjellheim Bibelskuvllas Tromssas.

Bibelen

Sámemišuvdna ja Fjellheim Bibelskole barget dál ovttas. Áigumuš livččii geasuhit sámi nuoraid lohkat jagi kristtalašvuođas ja kultuvrras. Dasa oaččošedje 20 000 ruvdnosaš stipeandda.

Foto: Kallestad, Gorm / NTB scanpix

Sámemišuvdna lea dál bargagoahtán ovttas Fjellheim Bibelskuvllain Tromssas. Danne fálla sámemišuvdna dál 20 000 ruvdnosaš stipeandda viđa sámi nurrii jos čađahit jagi oahppu Fjellmeim Bibelskuvllas, muitala Sámemišuvnna beaivválaš jođiheaddji Roald Gundersen.

Sámemišuvnna beaivválaš jođiheaddji lohká Sámemišuvnna stivrra mearridan addit dákkáraš fáladaga sámi nuoraide. Dán lohká leat earalagan fálaldahkan nuoraide, falaldat gos besset oahpásmuvvat kristtalašvuhtii ja kultuvrii.

Ovttasbargu Biibbalskuvlla ja Sámemišuvnna gaska

Dát ovttasbargu dáidá maid leat álggahuvvon vai sámi nuorat oahpásmuvvet ja beroštišgohtet eanet kristtalašvuođas, ja vai oahpásmuvašedje Biibalii

Sámemišuvnna beaivválašjođiheaddji lohká dán leat erenoamáš buorre fálaldahkan nuoraide, go de besset oahppat eanet kristtalašvuođas ja diehtalasat maid oahpásmuvvat eará nuoraide.

Sámenuorat gáidan kristtalašvuođas

Sámemišuvnna Roald Gundersen muitala iežaset vuohttit ahte sámi nuorat orrot dego gáidan eret kristtalašdeaivvademiin ja čoakkalmaisain. Sii dihtet gal ahte Læstadialaš birrasiin bohtet nuorat maid čoaggimiidda, muhto dáidá leat nu ahte Sámimišuvnnas lea eanet oktavuohta Læstadialaš birrasiin go eará kristtalašbirrasiin, lohká Gundersen.

Dál go sii leat álggahan ovttasbarggu Fjellheim Bibelskuvllain Tromssas, de sávašedje sii ahte Sis Finnmárkku nuoratge vuolggašedje oahppat kristtalašvuođas. Danne dat Sámemišuvdna dál fálla stipeandda sámi nuoraide, 20 duhát ruvnnu jahkái viđa nurrii.

De dál lea beare ohcat oahppin Fjellheim Bibelskuvlii Tromsii ja seammás vel ohcat stipeandda Sámemišuvnnas, lohká Sámemišuvnna Roald Gundersen.

Fjellheim Bibelskuvle gullá Norsk Luthersk misjonssambandii

Fjellheim Bibelskuvlla eaiggát lea Norsk Luthersk misjonssamband, mii lea stuorra mišuvdna-organisašuvdna Norggas. Ja das leat skuvllat iešguđetguovlluin Norggas, ja dán organisašuvnnas leat olu sárdnideaddjit ja mišunearat iešguđet guovlluin máilmmis.

Fjellheim Bibelskole lea leamaš Tromssas 1980 rájes, ja dál leat dán skuvllas 50 oahppi.

Unnán sámenuorat Biibbalskuvllas

Skuvlla rektor Thor Fremmerud muitala skuvlla váldomihttu lea muitalit kristtalašvuođas. Sin skuvllas leat leat álo leamaš finnmárkolaččat oahppin, ja sii leat boahtán sihke dáža- ja sámi-birrasiin. Muhto eai leat leamaš nu galle Sis Finnmárkku sápmelačča geat hállet sámegiela.

Sis leat leamaš oahppit Billávuonas, Guovdageainnus, Davvesiiddas, Álttás ja Leavnnjas, ja muhtin lea maid boahtán Nuorta Finmárkkus oahppin Fjellheim Bibelskuvlii Tromsii.

Sámemušuvdna sávai ovttasbarggu Biibbalskuvllain

Sámemišuvdna dat dahtui sis veahkki nannet kristtalašvuođa bargguid sámi mánáide ja nuoraide. Sii serve ovttasbargat Sámemišuvnnain danne go sin skuvlla nuorat galget maid oahpahallanbargguide. De heivešiige hui bures boahtalasttit skuvllavázzima ja oahpahallama, go sii han sáddejit iežaset oahppiid iešguđetgelaganaš searvegottebargguide oahpahallin.

De dál lea boahtte skuvllajahkkái vejolaš sámi nuoraide ohcat oahppin Fjellheim Bibelskuvlii Tromsii, ja seammás sáhttá maid ohcat stipeandda Norgga Sámemišuvnnas.

Vusttas sisaváldin čáđahuvvo guovvamánu álggus 2017s.