Viesterallasis leat olbmot beroštišgoahtán iežaset duogážis. Olbmot bohtet valvin gullat Vieserallasa sámi historjjás, ja ollugat dahttot diehtit leat go sii sámit.
Historihkkár ja girječálli Johan Borgos muitala iežas logaldallan juo oalle máŋgii Viesterallasa sámi historjjás. Danne leat guovllu olbmot guorahallagoahtán iežaset duogáža, ja leat de oalle rámis jos gávnnahit iežaset leat sápmelažžan.
Viesterallasis nivkkuhit go Borgos logaldallá
Johan Borgos muitala iežas guhkit áigge juo vuohttán ahte olbmot dihtet ahte Viesterallasis leat ollu sámisogalaččat. Dutkamat čájehit ahte olles njeallját oassii guovllu albmogis lea sámi duogás. Guovllus leat olu mearrasámit lassin boazosámiide. Boazosámiid lea álki gávdnat goarggu mielde, go sis leat sámi goarggut nugo Sarri, Inga ja Huva. Mearrasámiin leat seamma goarggut go earáin guovllus.