Várdobáiki álggaha ovdaprošeavtta sámi gielas- ja kultuvrras Viesterallasis. Dál orru mannamin dan guvlui ahte ruhtadeapmi čoavdašuvvá, nu muitala Várdobáikki beaivválašjođiheaddji Kjersti Myrnes Balto.
Viesterallasa sámiide oahpahus
Ovdaprošeavtta dat áiggošedje álggahit Viesterallasis, ášši lea áinnat nu ahte ahte Lofoahta ja Viesterála gullá Várdobáikki dávvirvuorkka guvlui, ja danne áiggošii Várdobáiki fuolahit sidjiide sámi giella ja kulturdoaimmaid.
75 000 ruvdnu ovdaprošektii
Kjersti Myrnes Balto navdá prošeaktasaji šaddat Soartta guovllus, ja Soarttá sámeservviin sis leage leamaš oktavuohta. Ovdaprošeavtta sii gal álggahit, muhto soaitá sii fertejit unnidit dan prošeavtta danne go eai ožžon Nordlandda fylkkagielddas ollásit dán prošeavtta ruhtavuvvot. Sii ohce 125 000 ruvnnu, muhto eai ožžon eanet go 75 000 ruvnnu. Muhto son jurddaša gal ahte gos nu livččii vel vejolaš oažžut eanebuš ruđa.
Ovdal lágidan prošeavttaid ja oahppan dain
Kjersti Myrnes Balto muitala iežaset ovdal lágidan dákkáraš prošeavtta Loabáin, ja das sii gal ohppe hui olu. Dál lea smiehtagoahtit ja ohcagoahtit olbmo, gii háliidivčče bargat dáinna ovdaprošeavttain. Son dieđos galggašii ássat Viesterallasis.