Hopp til innhold

Ann Majbritta viessu bulii gutnan – ozái veahki guvlláris

– Olmmoš álgá oaidnit árvvu smávva áššiin, lohka 39-jahkásaš.

Ann Majbritt Eriksen

MASII STOBU: Ann Majbritt Eriksen masii iežas stobu buollimii, muhto son ii vuollán dainna gal.

Foto: Marit Sofie Holmestrand / NRK Sápmi

Les på norsk.

Eatneolmmoš Ann Majbritt Eriksen (39) massii stobu buollimii Guovdageainnus mannan giđa.

Eriksen muitala ahte lea olu jurddašan buollin dáhpáhusa birra ja sus leat olu dovddut čatnon dasa.

– Lea leamaš váibadahtti jurddašit movt mun dál galggan viidásit.

Dattetge ii ohcalan son veahki fágaolbmuin, muhto baicce guvlláris.

Husbrann i Kautokeino

BUOLLÁN: Ann Majbritt Eriksena buollán viessu.

Foto: Torgeir Varsi / NRK Sápmi

Sivvan manne son válljii ohcat veahki guvlláris, lei go de ii dárbbaš hállat nu olu dan buollinija birra, muitala son.

Muhto baicce oažžut dorvvu ja veahki movt dál eallit ovddasguvlui, ja movt láhččit dilálašvuođa buoremus-láhkái alcces ja su golbma mánáide.

– Mun háliidin guvllárin hállat, dušše dan dihte go guvlláris lea earálágan oaidnu, movt olmmoš galgá jurddašit.

Son muitala ahte son lea váldán oktavuođa guvllárin juohke háve go lossa jurdagat leat boahtán.

Ođđa álgu

Eriksen muitala ahte lei okta guvllár gii sutnje logai ahte dát dáhpáhus lei buorre vásáhus sutnje go dál son beassá viidásit. Dát dáhpáhus lea sutnje ođđa álgu.

Ann Majbritt Eriksen

GIITEVAŠ: Eriksen muitala ahte son lea nu giitevaš go beasai olggos heakkas.

Foto: Torgeir Varsi / NRK Sápmi

– Go mun čužžon olgun ja gehččen albmái, de fuobmájin ahte beaivváš iđii balvvaid duohken, dat báittii ja liggii mu, de mun njuorrasin.

Maŋŋel buollima dovdá son giitevašvuođa go beassá vásihit dábálaš árgabeaivválaš áššiid.

– Olmmoš álgá oaidnit árvvu dakkár smávva áššiin.

– Dat lea dego vásihit eallima fas ođđasit, lohká Eriksen.

Soaitá lea váttis hállat áššiid birra

Anette Somby

KLINIHKALAŠ MÁNÁIDSUODJALUSPEDAGOGA: Anette Somby.

Foto: Marit Sofie Holmestrand / NRK Sápmi

Anette Somby, klinihkalaš mánáidsuodjaluspedagoga SÁNAGas muitala ahte oallugat váldet oktavuođa singuin go vásihit buollima, muhto maiddái eará vásáhusaid geažil mat sáhttet dagahan traumaid.

Dá lea fáddá man birra soaitá leat váttis hállat, go sámi servodat lea huksejuvvon dainna lágiin ahte ii galgga buot fáttáid birra hállat nu rahpasit, lohká Somby.

– Mun jáhkán ahte min fágasuorggi, skuvlamedisiidna oahppu, ii ovttasbargga doarvái bures árbevirolašmáhtuin ja kulturipmárdusain.

Son jáhkká maiddái ahte olbmot dihtet dan, ja sii dárbbašit veahá iskkadit, lea go dá dakkár olmmoš gii ádde man birra son hállá.

Ohcat veahkki

Somby lohká ahte lea lunddolaš ohcat veahki doppe gos veahkki lea fidnemis.

– Lea oahpes ášši SÁNAGai ahte olbmot ohcet veahki guvlláris.

SANKS

SÁNÁG: Sámi našuvnnalaš gealbobálvalus.

Foto: Torgeir Varsi / NRK Sápmi

Somby ádde manne Eriksen lea ohcan guvlláris veahki, ja lea ságastallan pasieanttaiguin dán fáttá birra.

– Váhnemat muitalit dávjá ahte stuorámus erohus lea vuosttažettiin dat áigi. Dat ádjána guhká ovdal go sii besset min lusa.

Ja lohká ahte sii fágaolbmot, soitet geavahit eanet áiggi guorahallanbargui ovdal go fállet lagasvuođa, maid oallugat čilgejit ahte ožžot guvlláris.

– Dá lea dehálaš fádda maid galggašii eambbo digaštallat, go mis lea váilevašvuođat diekko.

Geahča TV ášši:

VIESSOBUOLLIN: Ann Majbritt Eriksena viessobuollima birra.

Korte nyheter

  • Alisa sáhttá ráŋggáštuvvot dan dáidaga ovddas maid čájeha Norggas

    Alisa Gorshenina (29) lea ruoššalaš dáiddár. Su dáidda lea oaidnin láhkai Hamsunguovddážis Hábmeris. Gorshenina lea kritihkalaš ruošša stivremii ja maid Ukraina soahtedillái, ja dat lea dahkan ahte son lea massán vejolašvuođa dáidagis čájehit ruovtturiikkas. Son lea jo sáhkohallan iežas oaiviliid dihtii Ruoššas.

    Su dáidda lea oassin Hamsunguovddáža ođđa čájáhusas, «Den kontroversielle Hamsun».

    Ollu dáiddárat leat báhtaran Ruoššas eret, muhto Gorshenina ii leat jurddašan guođđit ruovtturiikkas.

    – Lea dehálaš ahte olbmot, dákkáratgo mun, bissut Ruoššas, dadjá dáiddár NRK:i Teams-jearahallama bokte.

  • 3,7 millioner til fem filmproduksjoner

    Loga sámegillii.

    Internasjonalt Samisk Filminstitutt (ISF) har bevilget 3,7 millioner norske kroner i årets første bevilgningsrunde. To kortfilmer, en tv-serie og to langfilmer får bevilgning.

    Det skriver ISFI i en pressemelding (ekstern lenke).

    – Det er så gledelig at så mange samiske filmproduksjoner er i gang nå, sier direktør i ISFI, Anne Lajla Utsi.

  • 3,7 miljovnna viđa filbmii

    Les på norsk.

    Internašunála Sámi Filbmainstituhtas (ISFI) lea juolludan 3,7 miljovnna norgga ruvnnu dán jagi vuosttaš juolludanvuorus. Guokte oanehis filmma, okta tv-ráidu ja guokte guhkes filmma ožžot dán vuoro buvttadandoarjaga.

    Dan čállá ISFI preassadieđáhusas (olgguldas liŋka).

    – Lea nu illudahtti ahte leat ná ollu ođđa sámi filbmabuvttadeamit jođus dál, dadjá ISFI direktevra Anne Lajla Utsi.

    Anne Lajla Utsi gleder seg stort over tildelingen på 10 millioner kroner til samisk film- og TV-produksjon fra Samfunnsløftet.
    Foto: Internasjonalt Samisk Filminstitutt