Viessobuollin Deanus

Čáskadanveahka leat olles leavttuin dál hehttemin viessobuollima Luosnjárggas, Deanus, viidáneames. Nu muitala Finnmárkku politiijaguovllu operašunjođiheaddji, Torfinn Halvari. Sii ožžo buollindieđu kvártta váile ovttas odne beaivet, ja dál leat sihke Ohcejoga ja Deanušaldi čáskadanveagat bargamin jáddadit buolli viesu.

Politiijain lea oktavuohta albmáin gii orru viesus. Almmái ii lean viesus go buollái, muhto guokte beatnaga leat jávkosis. Balahuvvo ahte beatnagat leat duššan buollimis. Buollinsivva ii leat čielggas vel.