Hopp til innhold

Vieččai kulturhistorjjálaš dávviriid Riddo Duottar Museas

Otne doalvvui Álbmotmusea kulturhistorjjálaš dávviriid Riddo Duottar Museas, Kárášjogas.

Anna-Maria Østlund

Dá viežžá Norgga Álbmotmusea tekstiila konserváhtor Anna-Maria Østlund, kulturhistorjjálaš dávviriid Riddo Duottar Museas.

Foto: Máret Inger A. Anti / NRK

Berit Åse Johnsen

Sadjásaš Riddo Duottar Musea hoavda Berit Åse Johnsen čájeha ovtta dain guoros skáhppein, maŋŋá go Álbmotmusea doalvvui kulturhistorjjálaš dávviriid.

Foto: Máret Inger A. Anti / NRK

Sadjásaš musea hoavda Berit Åse Johnsen lohka dán leat oassin ovtta prošeavttas maid álbmotmusea čađaha.

Sámi kulturhistorjjálaš dávvirat leat dál sáddejuvvojon Norgga Álbmotmuseii.

Áigot dál dárkilit geahčadit dávviriid

Anna-Maria Østlund

Norgga Álbmotmusea tekstiila konserváhtor Anna-Maria Østlund.

Foto: Máret Inger A. Anti / NRK

Tekstiila konserváhtor álbmotmuseas Anna-Maria Østlund lei boahtán viežžat dávviriid mat gullet siddjiide, ja lohká sin dál áigut hui dárkilit geahčadit dávviriid ja govvidit daid.

Go dál sis leat nu heajos govat daid dávviriiguin.

Ožžot dávviriid fas ruovttoluotta

Muhto Riddo Duottar Musea ii leat agibeaivái massán dáid dávviriid, sii ožžot fas muhtun oasi fas ruovttoluotta go Álbmotmusea geargá iežaset bargguin, lohká Riddo Duottar Musea musea sadjásaš hoavda Berit Åse Johnsen.

Berit Åse Johnsen

Riddo Duottar Musea sadjásaš hoavda Berit Åse Johnsen páhkkemin kulturhistorjjálaš dávvriid maid Álbmotmusea lea viežžamin.

Foto: Máret Inger A. Anti / NRK

Guldal olles ášši gova vuolábealde

Korte nyheter

  • Ođđa sámediggeválggaid ferte lágidit maŋimustá geassit

    Sámedikki ságadoalli Pirita Näkkäläjärvi ii sáhte vel dadjat, maid ođđa válggaid lágideapmi johtilis áigetávvaliin mearkkaša, dieđiha Yle Sápmi.

    Alimus hálddahusriekti (AHR) dagai historjjálaš mearrádusa, go mearridii vuosttaš geardde, ahte Suoma sámediggeválggaid galgá lágidit ođđasit.

    Ođđa válggaid galggašii sámediggelága mielde lágidit guovtte olles mánu geažes das, go válggaid gomiheames lea mearriduvvon.

    AHR presideanta Kari Kuusiniemi dulkojumi mielde ođđa válggaid galgá lágidit geassemánu loahpa rádjai.

    Pirita Näkkäläjärvi
    Foto: Ođđasat / Yle Sápmi
  • Eai beasa gieldda gohčodit Pajalan kunta

    Ruoŧa ráđđehus hilgu Pajala gieldda ohcamuša geavahit meänkieli nama «Pajalan kunta» gieldda bálddalas namman, čállá Fria Tider áviisa.

    Ráđđehus mieđiha, ahte lea vuogas čalmmustahttit veahádagaid ja nannet veahádatgielaid.

    Almmatge deattuha ráđđehus, ahte ii ovttage gielddas Ruoŧas leat eambbogo okta almmolaš namma. Sii livčče spiehkastan dás jus livčče dohkkehan ohcamuša.

    Fertešii lágaid rievdadit jus galggašii sáhttit gielddaide dohkkehit eambbogo ovtta nama.

    Meänkieli
    Foto: Svenske Tornedalingers Riksforbund – Tornionlaaksolaiset
  • Gielddaluohti bohciidahttá digáštallama

    Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.

    – Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    – Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.

    Herman Rundberg ja su joavku Manne dat leat ráhkadan dán luođi.

    – Luođi mihttomearri ii lean suhttadit olbmuid, muhto digáštallan lea bures boahtin, árvala Rundberg.

    Gáivuona gielddastivra ávžžuha sidjiide ovddidit máhcahemiid gielddaluođi birra. Áigemearri lea dán mánu maŋimuš beaivve.