NRK Meny
Normal

«Drillo» rámpui «Nippa»

Guovdageainno moallabáhčči lohpida hárjehallat vel eanet.

Nippa og Drillo

Guovdageainnočiekči Nils Erik «Nippa» Oskal healkkehii veaháš go gulai ahte Egil «Drillo» Olsen rámpui su čiekčanattáldagaid.

Foto: Ewa-Mari Hedman / NRK

Norgga ovddeš riikkajoavkku-hárjeheaddji Egil Olsen rámpui Guovdageainno faláštallanjoavkku njunuščiekči Nils Erik Oskala maŋŋel duottarčiekčama.

Oskal nammaduvvui duottarčiekčama buoremus čiekčin ja duoddara gonagassan

– Mu mielas válljejuvvui rievttes čiekči čiekčama buoremus čiekčin. Ii leat ártet ahte dát čiekči lea báhčán eanemus moalaid máŋgga geardde juo. Mu mielas sus ledje buorit attáldagat, dadjá Olsen.

Guovdageaidnu čáski Nordlysa 3-0 dan nu gohččoduvvon duottarčiekčamis mannan lávvordaga Báktevári čiekčanšiljus.

Nippa ieš lei hui duhtavaš čiekčamin ja ii bálljo jáhkán ahte ovddeš riikkajoavkku hárjeheaddji rámpui su čiekčanattáldagaid.

– Nugo? Na dan gal lei oba somá gullat, dadjá Nils Erik Oskal.

Geahča videos eanet.

Norgga ovddeš riikkajoavkku hárjeheaddji Egil «Drillo» Olsen rámpui Nils Erik «Nippa» Oskala duottarčiekčama maŋŋel.

Govven ja čuohppan Ewa-Mari Hedman. Lassi govaid govven Johan Ánte Utsi

Geahča oasáža duottarčiekčamis.

Slaget om vidda i Báktevárri stadion

Govven ja čuohppan Ewa-Mari Hedman. Lassi govaid govven Johan Ánte Utsi