Viđadin buoremus máilmmis crossas
Mannan vahkkoloahppa gilvalii Kárášjohkalaš Joachim Olsen čáhcecrossas USA:s. Race Into Winter nammasaš čáhcecrossa gilvu lágiduvvui Fremont:s, mii lea New Hampshire:s. Olsen beasai finálii, ja doppe šattai son viđadin. Joachim Olsen čállá facebookas ahte son lea hui rámis go beasai finálii máilmmi stuorámus čáhcecrossa gilvvus. Son lei ferten láigohit skohtera, muhto goitge nagodii vuodjit bures.