NRK Meny
Normal

VG: -Dán dálvvi eanemus geasuheaddji TV-ráidu

NRK Sápmi Muitte mu TV-ráiddus, sáddejuvvui vuosttaš prográmma lávvardaga. VG aviissa tv-árvvoštalli gal mieđiha 5 bircologu.

Elisabeth Andreassen

Elisabeth Andreassen lohka luođi buot čábbámus ja árvvoleamos skeaŋga maid obege sáhttá oažžut

Foto: NRK

Dán rádjai lea VG áviissa TV-árvvoštalli, Tor Martin Bøe, dat áidna eará mediaid gaskkas gii lea árvvoštallan Muitte mu TV-ráiddus. Bøe gal juohká viđeža NRK Sámi Muitte Mu TV-ráidui, mas vuosttaš prográmma sáddejuvvui lávvardat eahkeda. Son čállá ahte dát TV-ráidu sáhttá šaddat dán dálvvi eanemus geasuheaddji ja miellagiddevaš buvttadeapmin.

Sihke rápmi ja cuiggodeapmi

Muitte Mu

Illustrašuvdnagovva VG_aviissas

Foto: Illistrašuvdnagovva / NRK

TV-árvvoštalli čállá ahte luođi doaibma eksohtalaš oassin mii čájehuvvo álot go juoga loahpahuvvo, nugo mat OG-gilvvuin, Melodi Grand Prixas ja mánáid-TV:s, de dajahus ain lea juoga mii lea čáppat seammás go dat maiddái lea ipmirmeahttun lulli-norgalaččaide. Tor Martin Bøe ákkastallá ahte ii oktage oro berošteamen čilget luođi sisdoallu earáide.

Čeahppes bagadalli

Sara Marielle Gaup Beaska og Elisabeth Andreaasen

Sara Marielle Gaup Beaska ja Elisabeth Andreassen muitte mu tv-ráiddus

Foto: Johan Mathis Gaup / NRK

Sara Marielle Gaup Beaska dat NRK Sápmi lei válljen Elisabeth Andreassena bagadallin ja nevvun go bargagohte dáinna TV-ráidduin.

Fiidnámus skeaŋka

– Luohti han lea buot fiidnámus ja árvvoleamos skeaŋka maid obage sáhtát oažžut, dadjá Elisabeth Andreassen maŋŋil go son oahpai makkár mearkkašupmi luođis lea.

Son lohka váttisin bidjat luođi dasa gii lea su lagamusas, ja šaddá leat ráhkisvuođa skeaŋkan.

Eretvádjolii

Elisabeth Andreassen

Elisabeth isidiinnis Tor Andreassen ja oahpaheaddjinnis, Sara Mariel Gaup Beaska

Foto: Johan Mathis Gaup / NRK

Elisabeth Andreassen isit, Tor, jámii fáhkkestaga diimmá geassemánu 64 jahkásažžan. Son nu bahuid dohppehallojuvvui váibmovihkái ahte ii ceavzán, ja son eretvádjolii. Sus bázii eamit, Elisabeth ja nieidda guoktá, Anna (21) ja Nora (19).

– Mun lean hui ilus go Tor ollii oažžut dán luođi ovdalgo eret vádjolii. Dát luohti han lei ráhkisvuođa illudeapmi, dadjá Elisabeth Andreassen.

  • Geahča luođi maid son bijái dás:
    Elisabeth Andreassen joiker