Verrošan ealgabeatnagiin

Guovdageainnus eai buktán buot ealgabeatnagiid Finnmárkoopmodaga iskamii. Okta beana lei fas biddjon guovtti jovkui.

Norsk elghund og fjellfløyte
Foto: Leiv Solberg

Dát sáhttá váikkuhit olles bivdojovkui.

GULDA: Eai soaitte beassat bivdit

Dál lea Finnmárkouopmodat geargan iskame leatgo beatnagat maiguin ealgabivdojoavkkut leat ožžon ealgaválaid, dohkkehuvvon ealgabeanan, ja leatgo oba rievttes beatnagat ge.

Guovdageainnus eai buktán buot beatnagiid dán iskamii, ja okta beana lei biddjon guovtti joavkku nammii. Ihttin sii mearridit maid dahket jus dain joavkkuin eai leat beanabáhpirat ortnegis, muitala Finnmárkoopmodaga meahccehoavda Rolf Kollstrøm.