Vel okta háliida hálddašanguvlui
Maŋŋil go Árbordde (Hattfjelldal) suohkanstivrra eanetlohku jagi 2015 geassemánus mearridii ohcat suohkana laktojuvvot sámegiela hálddašanguvlui, de suohkan sáddii ohcamušastis Gieldda- ja ođasmahttindepartementii 2015 golggotmánus. Dál evttoha departemeanta viiddidit hálddašanguovllu, ja lea sádden ášši gulaskuddamii. Árbordde suohkanstivra galgá mearridit ášši juovlamánus.