Vel okta goddi mas oaivevuorri
Nordfjella-guovllus Mátta-Norggas leat duŧkit gávdnan vel ovtta gotti mas lea dat nu gohčoduvvon oaivevuorri-dávda, dahje Chronic Wasting Disease (CWD). – Dát lea njoammudávda, ja eat dieđe goas dávda njoamui Norgga gottiide. Dán dadjá Šibitdoavtterinstituhtta ossodatdirektevra, Jorunn Jarp NTBii. Dávda goddá fuođđuid nugo bohccuid, ealggaid ja ruksesgottiid, muhto ii leat varalaš olbmuide.