Hárjehallamis váldet vuođu vejolaš heahtedilis, maid politiijat galget čoavdit. Dán vuoro lea hárjehallamis ožžon dieđu ahte Kárášjogas leat ovddiduvvon áitagat, ja ahte dilli sáhttá leat heaggavárálaš.
40 diimmu vearjuduvvon hárjehallan
Dalle go diekkár váralaš dilli čuožžila, de lea dehálaš ahte politiijat leat beassan hárjehallat vearjjuid geavahit, čilge Kárášjoga leansmánnebálvá, Arvid Næss.
– Dát lea okta dain jahkásaš hárjehallamiin mas mii ráhkkanahttit iežamet dustet dákkár dáhpáhusaid, oktiibuot 40 diimmu jahkái, lohká, Næss.
Kárášjoga leansmánnebálvvát, Arvid Næss ja Jens Eriksen, hárjehallamin dustet heahtedili ja áitagiid.
Foto: Marit Sofie Holmestrand / NRKEai muitán dieđihit
Mannan vahkus go hárjehallamat álge, de dáidet politiijat leat báikki olbmuid baldán veahá.
– Go álggaheimmet hárjehallamiid, de eat lean buohkaide muitán dieđihit ahte mii leat hárjehallamin, ja navdimis balddiimet muhtumiid, geat eai diehtán ahte lei hárjehallan, ja ahte vearjuduvvon politiijaid ihtet lagasbirrasii, lohká Næss.
Sii leat goit oahppan ahte dákkár hárjehallamiid birra ferte ovddalgihtii dieđihit álbmogii, vaikko eai sáhte jur buot muitalit ovddagihtii.
- Guldal jearahallama Arvid Næss´ain dás
