Vearjjuid vuovdin lassána
Vearjjuid vuovdin lea lassánan máilmmis, čájeha Ruoŧa rájidutkaninstituhta Sipri jahkásaš raporta.
Máilmmi 100 stuorámus vearjobuvttadeaddji vuvde diibmá lossa vearjjuid ja suodjalusbálvalusaid oktiibuot 592 miljárdda dollára ovddas.
Dát lea sullii 1,9 proseantta lassáneapmi ovddit jagi ektui. Dán jagi jáhkket ain eanet vuovdit dan soađi geažil mii Ukrainas lea.