Vealahit mearrasámi luossabivddu

Mearraluossabivddu geahpedeapmi lea stuorra vahágin mearrasámiide, dadjá Árjja Sámedikki politihkalaš ráđđeaddi Thomas Hansen. Son oaivvilda ahte Norgga eiseválddit meannudit vuot boastut mearrasámiid. Preassadieđáhusas čállá Hansen, ahte eiseválddit eai sáhte šat eanet geahpedit mearraluossabivddu. Mángga guovllus leat bivdoáigodagat gáržžiduvvon nu sakka ahte doppe eai birge šat olbmot guolástemiin eaige sáhte investeretge šat guolásteapmái.