NRK Meny
Normal

Váttis sieluidahttit

Dáiddár Ingunn Utsi lohká leat váddáseabbon addit sielu tiŋgojuvvon dáidagiidda, go dáidagiidda maid son ieš hutká.

Ingunn Utsi
Foto: Anne Olli

Ingunn Utsi lea guhká juo bargan dáiddárin, ja leage ráhkadan olu dáidagiid. Iežas muitala hukset dáidagiiddis dađistaga. Iige gallii dieđe mii das loahpa loahpas šaddá. Ieš son gal ráhkásmuvvá vuoigŋadujiidasas, danne go ieš lea daid sieluidahttán.

Váddásat sieluidahttit tiŋgojon dáidagiid

Son dovdá váddáseabbon sieluidahttit dáidagiid maid tiŋgojit sus. Danne go dalle ii beasa son ieš iežas vuogi mielde riegádahttit daid. Son ferte tevdnet ja smiehttat gosa dat dáidda galgá heivet. Ja go mihtuid mielde ferte bargat, de bisseha dát dáidaga lunddolaš riegádeami.

Siellu ii boađe lunddolaččat dáidagiid

Ingunn Utsi lea ráhkadan dáidagiid maid leat tiŋgon sus, muhto ii son goassige dieđe áibba sihkkárit ahte nagada go son dáid sieluidahttit. Iežas muitala earret eará gárvvohan alla stoalppu muorain. Njulgestaga vieččaid gassa beazi maid gobai. Dáinna beahceskálžžuin gárvvohii son dan ovcci mehtera allosaš stoalppu. Dát gárvvohuvvon stoalpu ceagga caggin Byåsen joatkaskuvllas Troanddimis.

Stoalpo oassi
Foto: Anne Olli
Dákkár galggai stoalpu šaddat
Foto: Anne Olli