Váttis heivehit divššu

Dearvvasvuođa ja fuolahusdepartemeantta stáhtačálli Anne Grete Erlandsen ii maid loga Deanus leat áššit áibbas riekta, go muitohuvvan ássiid leat fárrehan Buolbmágis ja Juovlavuonas Deanu fuolahusviesuide. Ovddit vahkus muittuhii Fylkkamánni, ahte unnimusat okta pasieanttain, ii oaččo dán divššu, man galggašii. Erlandsen mielde lea dávjá váttis fállat seamma buorre divššu, go olmmoš sirdojuvvo buhcciidsiiddas fuolahusvissui.