Váttis garvit koronanjoammuma
Dál go 4000 olgoriikalačča bohtet bargui Lofuohtii ja Viesterállasii bivdit áhpedorski, de lea veadjemeahttun garvit njoammumiid leavvamis, dan oaivvilda gielddadoavttir. Ii leat oppa eahpádusge, ahte dát ii livččii váttisvuohtan ja stuorra riskkan go oanehis bottas bohtet nu olu guossebivdit ja seammás galget bargat dakkár dilis gos lea váttis doallat gaskkaid, dadjá Válafierdda gielddadoavttir Ingebjørn Bleidvin Dagens Næringsliv-áviisii.