– Lea váttis fuobmát duodjegálvvu mii geasuhivččii olbmuid

Son ii dáhtošii bargat nu mo muđuid olbmot, gávccis njealji rádjai. Iežas fitnodagain sus lea stuorra friddjavuohta, ja dasa son liiko.

– –	Alt dette som ser ut som kaos, skal være i system til lørdag, forsikrer Geir Anders Hætta Berg.
Foto: Sander Andersen / NRK

Son lea Kárášjogas eret muhto ássá dál Murggusvuonas Sáltus, Nordlánddas. Dohko lea huksehan alcces duodjevistti ja gos jođiha iežas fitnodaga. Duojár Geir Anders Hætta Berg, johttá dáid muttuid juovlamárkaniin, gos vuovdala iežas dujiid.

Man váttis lea jođihit dujiid?

Dat lea vuos makkár gálvvut dat leat. Mun lean bidjan olu áiggi gávnnahit makkár gálvvu dat gánneha ráhkadit ja dasto vuovdit.

Eanemusat lohká iežas vuovdit kohppa- dahje ruitovuolážiid, čoavddarieggáid ja boahkániid.

Ollu áigi

Earret stohpogálvosnihkkárskuvlla maid son lea čađahan, de muitala Geir Anders iežas jo badjelaš logi jagi duddjon, geahččalan fuobmát buriid vuovdingálvvuid ja bargan dan ala ahte ásahit iežas fitnodaga. Sus lea maid fágareive duojis.

Jeg er jo en duodjeutøver som lager dette, sier Geir Anders Hætta Berg.

II ÁLKI: Iežas vásáhusaid mielde, de mieđiha Hætta Berg ahte ii leat beare álki fuobmát buori gálvvu.

Foto: Sander Andersen / NRK

– Iežan fitnodagain, lea mus friddjavuohta bargat váikko ijat beaivve. Mun lean válljen dán eallinvuogi, ja mun in atte vuollái, dadjá duojár Geir Anders Hætta Berg.

Duojár muitala ahte jus oktage áiggoš álggahit sullasaš doaimma go sus, de ferte vuosttažettiin gávnnahit mii dat gánnáha, makkár gálvvus dat lea johtu ja buvttášii ruđa.