Mihkkalmeassá lágiduvvui dán jagi Hafjeallas Davábeal Lillehammera. Ráfi- ja ráhkesvuođa námas áiggošii Mikkel Gaup oahppásmahttit sámi-, dáža- ja eará álgoálbmogiid kultuvrra guhtetguiimmiidasaset. Muhto son dovdá iežas ráhčat sámiid oažžut mielde.
Čájeha ieš sámi kutuvrras
Beakkán sámi neavttár dearpada indiánáid rumbbu, ja ieš juoiggada dáža servvodagas. Mikkel Gaupa guhkkit áigge áigumuš lea oažžut iešguđet kultuvrraid dovddađišgoahtit, muhto ii loga leat álkin fitnet sápmelaččaid searvat meassái.
Álggiid dáinna diibmá
Mihkkalmeassa álggahii son diibmá, ja dán jagi lágiduvvui dát nuppi geardde. Meassá váldomihtun lea áhte álgoálbmogiid kultuvra deaivvada dáža kultuvrrain, ja ahte dát kultuvrrat dovddađisgoahtet. Áigumuš lea lágidit dákkáraš meassuá juohke jagi.
Sámiid dálkkodanvuogit váilo
Go sápmelaččat váilo dán meassás, de besse dážat čájehit bures iežaset molssaeakto dálkkodanvugiid. Dálkkodanvuogit ledjege dat váldo oasit dán jagi deaivvadeamis. Sámi kultuvrra Mikkel Gaup čájehii ieš dálkkodeami musihkain, ja oaččui vel rivgu mánáid veahkkin.
Sámit čiegadit máhtolašvuođaset
Sámi árbevierrun lea doallat njálmmi ja orodit jáskadin, ja iige mendo sákka čájehit máilbmái maid sii máhttet. Mikkel Gaup hálidivččii áhte sámitge galggašedje dákkár oktavuođain oidnot eanet, eaige ballat masge.