Eurohpá unnitgielaid lávlongilvvut Liet International lágiduvvojit Bastias Korsikas skábmamánu 22. beaivve. Dan dieđiha Liet International lágideaddji, Tjallien Kalsbeek, NRK Sápmái.
Sámi Grand Prix lea máŋga jagi leamaš lávlongilvvuid ovttasbargoguoibmi, muhto leat geassádan ovttasbarggus go oaivvildit oassálastima addit unnán ruovttoluotta sámi artisttaide.
Skábmamánu gilvvut leat 14. Liet International. Sámi artisttat leat viđa geardde vuoitán gilvvuid, mat lágiduvvojit juohke nuppi jagi.
Dalle vuittii korsikalaš artista Doria (govas) lávlagiin “ROMA”.
Dán vahko lea Stuorradikkis Duohtavuođa- ja soabahankommišuvnna raportta gulaskuddan.
77 jagi boares Jarl Hellesvik mielas leat maŋŋá soađi skuvlainternáhtat ožžon stuorra oasi sivas go sápmelaččat ja kvenat dáruiduhtto.
Hellesvik, gii ieš orui internáhtas jagiid bajásšaddamis, mielas berre
Hellesvik lea orron eanaš mánnávuođajagiid internáhtas, ja su mielas livčče berren eambbo dutkat manin mánát rittus masse sin eadnegiela, sámegiela, go mánát siseatnamis eai massán gielas.
UiT dutkit dutkagohtet nuorra kvenaid ja norggasuopmelaččaid dearvvašvuođa. Dutkit leat čoaggigoahtán dieđuid ođđa dutkanprošektii.
Dan muitala prošeavtta dutki ja poastadoavttir, Soile Hämäläinen.
Prošeavtta ulbmilin lea ásahit bijuid mat loktejit skuvlla- ja dearvvašvuođabargiid máhttu, nu ahte buorebut sáhttet vuostáiváldet nuorra kvenaid ja norggasápmelaččaid.
