NRK Meny

Várjjatriemuid dáiddačájáhus

Lofoahtaláš govvadáiddár Yngve Henriksen lea leamaš dán jagi Várjjatriemuid dáiddar. Su govvačájáhus geasuhii olbmuid. Unjárgalaš Margit Varsi geahčadii ja árvvoštalai su Henriksena govvadáidagiid.

Margit Varsi Várjjatriemuid dáiddačájáhusas

Margit Varsi Várjjatriemuid dáiddačájáhusas

Foto: Anne Olli / NRK

Artikkelen er flere år gammel.

Gula jearahallama

Yngve Henriksen lea leamaš dan jagi Várjjatriemuid dáiddár. Son dat lei boahttán govaidisguin Čáhcesullui. Su govvačájáhus lei Čáhcesullo Seasttinbánkki DavviNorgga ovddeš dálus.

Unjárgalaš geahčadeamen govaid

Margit Varsi lei maid geahčadeamen Henriksena govaid, ja son illa sáhtii čujuhit dan buot buoremus gova, go su mielas ledje buot govat erenoamažat.

Yngve Henriksena govat

Yngve Henriksena govat

Foto: Anne Olli / NRK

Dovddai ráfi

Margit Varsi muitala iežas dovdan ráfi go geačadii govaid. Ivnnit ledje su mielasge oalle ráfálačča, danne dovddai iežas vuoiŋŋastan go váccašii čájáhuslanjas.