NRK Meny
Normal

Válgaboađus galgá leat čielgan ihtá iđđedii

Suoma sámediggeválggaid jienaid lohkagohtet otne eahkedis diibmu 18 báikkálaš áigge.

Stemmetelling i finsk sametingsvalg

Suoma sámediggeválggain gerget jietnalohkamiin moadde beaivve válggaid maŋŋá, eaige dárbbaš vuordit badjelaš vahku numo Norgga beale sámediggeválggain.

Foto: Vesa Toppari / Yle Sápmi

Sámediggeválggaid jienaidlohkan álgá otne vuossárgga diibmu 18 Sámedikki doaibmalanjain Sajosis Anáris, dieđiha Yle Sápmi.

Dieđihangaskaoamit ožžot diibmu 20-21 gaskkas válgalávdegottis dieđuid jienaidlohkama ovdáneamis. Sámediggi muitala dieđihangaskaomiide eahpevirggálaš válgabohtosa go buot jienat leat lohkkojuvvon.

Yle Sápmi muitala jienaidlohkama ovdáneamis ja válggaid bohtosiin neahttasiidduinis ja sosiála medias dađi mielde, go dieđut bohtet. Yle Sápmi analysere válggaid bohtosa Buorre iđit Sápmi -radiosáddagis maŋŋebáriđit diibmu 07.10 rájes.

Sámediggi dieđiha válgabohtosis virggálaččat ihttin maŋŋebárgga diibmu 9 Sámedikki doaibmalanjain. Válgalávdegoddi nanne válggaid bohtosa gaskavahku golggotmánu 7. beaivve.