NRK Meny
Normal

Váldodoaimmaheaddji Ruoššas: – Mis leat vearjjut

Son čuoččuha ahte guhtta mielbargi leat gottáhallan dan rájes go son álggii Novaja Gazeta áviisii Ruoššas. – Stáhta stivre buot TV- kanálaid Ruoššas, dadjá Dmitrij Muratov.

MUITALA JOURNALISTA DILI BIRRA: Novaja Gazeta váldodoaimmaheaddji, Dmitrij Muratov, muitala garra dili birra Ruoššas. Sii leat ferten vearjjuid oastit vai sáhttet várjalit iežaset.

– 2-3 jagi dassái ledje stuorra molsašumit Ruošša stuorámus mediaviesuin. Erenoamážit dain mat čađahit kritihkalaš guorahallan journalistihka, muitala Novaja Gazeta váldodoaimmaheaddji, Dmitrij Muratov.

NRK Sápmi deaivvai Muratova go lei Svarte Natta journalisttakonferánssas Tromssa gávpogis. Muratov čuoččuha ahte máŋga su barggoskiippára leat gottáhallan barggu geažil.

Lei Medier24 guhte vuosttažin muitalii dán áššis.