NRK Meny
Normal

Vuoimmehuvvan vuovderuoigu viesus

Son ii sáhttán diktit vuovderuoiggu olgun buollašis nealgut, ja válddii dan vissui.

Kunne ikke la det lille rådyret sulte ihjel.

Lásse Máhtte Anti gávnnai vuovderuoiggu Kárášjogas, mii lei nealgái vuoimmehuvvan. Son válddii vuovderuoiggu vissui, ja dál gal dat juo bures stađđá liegga viesus, gos vel biepmu oažžu.

Unnán davábealde Sáltoduoddara

Fuođđouskkádagas (Viltportalen) čállá ahte vuovderuoigu ii nu dávjá leat gávdnamis Sáltoduoddara davábealde, dušše soames ealli.

Dál lea diet vuovderuoigu gávdnon Kárájogas, ja Guovdageainnus galgá vuovderuoigu leat máŋga jagi juo leamašan viesuid lahkosis.

Guovdageainnus juo logi jagi

Vuovderuoiggut leat Guovdageainnus Ávžžis leamašan juo badjel logi jagi. Dan muitaleaba Herdis ja Knut AAmot guovttos NRK Sápmái.

Knut Aamot muitala ahte vuovderuiggut leat nu guhka juo leamašan Ávžžis, ja muitala soai leaba váldán vuovderuoiggu návehii ja dan biepman go beatnagat ledje dan illastan.

– Diet lea juo logi jagi áigi, ja duođašta man guhka vuovderuoiggut juo leat leamašan Guovdageainnus, dadjá Knut Aamot.